لە وڕێنەکانی مەریوان قانع و پرسیارگەلێك

لە وڕێنەکانی مەریوان قانع و پرسیارگەلێك

08/01/2022

 لە یەكێك لە نوسینە وڕێنەکانی مەریوان قانع کە لە خوارەوە لینکەکەی دادەنێم ئەوە دەر دەخات کە مەریوان هێشتا جیاوازی دەکات لە نێوانی دەسەڵاتەکانا ، دژ بە یەك دوانێکیان دەوەستێتە وە ستایشی ئەوانی دیکەیان دەکات، زۆرینەیان لای ئەم حورمەتدارن و دانە دانەشیان بێ حورمەت ، زۆرینەیان مایەی ستایش  و بەرگریکردنن و دانە  دانەشیان مایەی لۆمە و ڕەجمن بۆ ئەو …

ئەوەی فکری مەریوان بناسێت نابێت تاسبیباتەوە ، ئەو وەکو ئەکادیمییەکی خزمەتگوزاری سیستەمی سەرمایەداری و دەوڵەت هەر دەبێت ئەوە کاری بێت.

تکایە تەنها دوو سێ خولەکی خۆت لەم وڕێنەیەی مەریوان قانعدا سەرف بکە و بزانە دەڵێت چی.  من تەنها سێ نموونە لە وڕێنەکانی دادەنێمەوە بە کۆمێنت و پرسییاری خۆمەوە :

  • کۆمەڵگای بەحورمەت“ ئەو کۆمەڵگایەیە کە دەزگا سیاسییەکانی، وەک پۆلیس و سوپاس و دادگا و پارتە سیاسییەکان، ھتد.. ئیھانەی خەڵک ناکەن. ئەو دەزگایانە خەڵک زەلیل و کەرامەتشکێن ناکەن، وایان لێناکەن شەرم لە بوونی خۆیان لەناو کۆمەڵگایەدا بکەنەوە

 ئایا مەریوان دەتونێت پێمان بلێت کە دەسەڵاتێكی بە حورمەت هەیە؟ ڕێز لە بۆچونی ڕەخنەیی و داواکاری گەلەکەی بگرێت ؟ ئایە دەتوانێت تاکە نمونەیەکمان لەم جیهانەدا  بۆ بێنێتەوە لەنێوانی ئەو وڵاتانەی کە ئەو خۆی بە دیمۆکراتی دەزانێت  و دەسەڵاتەکانیان و پۆلیس و دەزگەکانی دیکەی خەڵك زەلیل و سووك ناکەن؟ ئایا دەکرێت  ڕای ئەو بزانین سەبارەت  دڕندەیی پۆلیسەکانی وڵاتەکەی ئەو ، هۆڵەندە، کە چۆن بە حورمەت ڕێزەوە دەچونە سەر پشت و سنگی خۆپیشاندەران ، بە شەق و لەقە لە سەر و شوێنی ناسکی پیشاندەرانیان دەدا ؟  نەك هەر لە پرۆتێستەکانی مانگی پێشو و  پێشتریش، تەنها ئەمانەی ئەم دواییە؟  ئایا ئەو دەسەڵات و دەزگەیەی ، ئیسرائیل، کە ئەو نموونەکەی لەوێوە سەریگرتووە وە دەستپێکی  نوسینەکەیەتی ، بە بەحورمەت  و شایستەی خەڵکەکەی دەزانێت؟

  • “لای ئەم فەیلەسوفە ”کۆمەڵگای بە حورمەت“ جیاوازە لە ”کۆمەڵگای دادپەروەر“. ”کۆمەڵگای دادپەروەر“  پلەیەکبەرزتر و گەشەکردوتر و پێشکەوتوترە لە ”کۆمەڵگای بەحورمەت“. لە ”کۆمەڵگای دادپەروەر“دا نەک تەنھا دەزگاکان ئیھانەی کەس ناکەن و سیاسەتی زەلیلکردن غائیبە، بەڵکو خەڵکەکە خۆیشیان لەگەڵ یەکتریدا یەکسانن و ئەوەی حوکمڕانە دادپەروەرییە، بەڵام کۆمەڵگای بەحورمەت کۆمەڵگایەکی دادپەروەر و یەکسان نییە، بەڵام کۆمەڵگایەکە دەزگاکان ئیھانەی خەڵک ناکەن، کەرامەتی کەسەکانی تیادا ناشکێت.

ئەو خۆی ڕای چییە؟ جیاوازی چییە لە نێوانی کۆمەڵەگەی بە حورمەت و کۆمەڵگە دادپەەروەر؟ ئایا لە شوێنێکدا کە دادپەروەری نەبوو حورمەت دەبێت؟ کەسایەتی تاکەکان و ڕێزیان دەمێنێت ؟ ئایا کە حورمەت نەبوو دادوەری هەیە؟ چؤن چۆن خەڵکەکە لەگەڵ خۆشیانا یەکسانن؟

  • “ئیھانەکردنیش، وەک وتمان، ئەوکاتە دروستدەبێت کە حوکمڕانان دەزگاکانی حوکمڕانیی بەکاردەھێنن بۆ مامەڵەکردنی خەڵک یان بەشێک لە خەڵک، وەک کەسانێکی کەمتر و بێنرختر، بەمەش زەلیلکردن و شکاندنی کەرامەتیان

ئایا مەریوان قانع دەتوانێت پیمان بلێت کە حوکمڕانان دەزگاکانی حوکمڕانییان بۆ داپڵۆسین و زۆر کردن و کۆنترۆڵنەکردنی خەڵکی دروستنەکردووە؟ لە شوێنێکی ئەم دونیایەدا دیارەدیەکی ئاوا هەیە؟

About author View all posts

Zaher Baher

1 CommentLeave a comment

Leave a Reply

Your email address will not be published. Required fields are marked *