تورکیا لە هاتنەدەرەوەی بریتانیا لە یەکێتی ئەوروپی قازانج دەکات

تورکیا لە هاتنەدەرەوەی بریتانیا لە یەکێتی ئەوروپی قازانج دەکات

30/12/2020

ڕۆژی 01/01/2021  ڕۆژێكی مێژووییە بۆ حکومەتەکەی بریتانیا چونکە یەکەم ڕۆژی جیابوونەوەیەتی لە یەکێتی ئەوروپی.  ئیتر گوایە لەمەولا بریتانیا سەربەخۆدەبێت خۆی بەخۆی بڕیارەکانی خۆی دەدات و لە هەموو بوارەکانا بە تایبەتی بازرگانی و ئابورییدا. ئیدی لەو ڕۆژەووە ئەو پەیمان و گریبەستە بازرگانی و ئابورریانەی کە بریتانیا تا ئێستا بە خۆی لەتەك وڵاتانی دیکەدا بەستیویەتی ، دەکەوێتە کارەوە.

یەکێك لەو وڵاتانەی کە بریتانیا دوێنێ واژۆی بازرگانی لەتەکدا کرد تورکیایە.   تورکیا بازاڕێکی گەورەی بریتانیادەبێت .  پارساڵ 2019، بازرگانی بریتانیا و تورکیا  بایی 18.6 ملیار پاوەند بووە.  بریتانیا دووەهەم وڵاتی هەناردەی کاڵا بووە بۆ تورکیا.  ئەگەر ئەم پەیمانەیان نەبەستایە ئەوە لە سەدا 75 ی هەناردەی شمەکی تورکیا بۆ بریتانیا گومرگی دەخرایە سەر .  ئەمەش یانی تورکیا بە بڕی 2.4 ملیار دۆلار زیانی لیدەکەوت.

بریتانیا تا ئێست پەیمانی بازرگانی لەتەك 62 وڵاتدا بەستوە کە تورکیا پێنجەم وڵاتە دوای کەنەدا ، یابان، سویسرا ، نەرویج ، کە پەیمانی ئابوریانەیان لە تەك بریتانیادا بەستوە کە لە هەردوو لاوە هاوردە و هەناردەیان گومرگی لەسەر نابێت.

تورکیا زۆر قازانجی کرد بە هاتنەوە دەرەوەی بریتانیا لە یەکێتی ئەووروپی.  بەم پەیمانی بازرگانیە بەهای لیرە بەرزدەکاتەوە ،  ئەگەر وڵاتانی ئەوروپی حەساری ئابوریانە یا سیاسیانە بخەنە سەر تورکیا ، بریتانیا ناچار نییە بەوەی کە بە گوێرەی بڕیاری ئەوان بڕوات .  لە ئێستاشدا وەزارەتی سوپای بریتانیا دەیەوێت بۆ لەمەولا فڕۆکەی بێ فڕۆکەوان بەکاربهێنیت بە مەبەستی سیخوڕیی.  بردنەوەی جەنگ لە لایەن ئازەربایجانەوە لەگەڵ ئەرمیننیا ، هۆکاری سەرەی گێڕراوەتەوە بۆ بەکارهێنانی فڕۆکە بێ فڕۆکەوانەکانی تورکیا لەو جەنگەدا.

بریتانیا ئەمە بە هەڵ دەزانێت و دەیەوێت هەندێك لەو فڕۆکانە بکرێت کە نرخیان لە نێوانی یەك ملیۆن بۆ دوو ملیۆن دۆلارە.  ئەمەش لە تورکیا دەکرێت و هیچ ڕێگرییەکی نابێت.  لەوە دەکات پەیوەندی نێوانی تورکیا و بریتانیا بچێتە قۆناخێکی نوێوە ، واتە پتەوتر و فراونتر و بەهیزتر

About author View all posts

Zaher Baher

Leave a Reply

Your email address will not be published. Required fields are marked *