چوونی ئەردۆگان بۆ بەشە تورکیییەکەی قوبرس

چوونی ئەردۆگان بۆ بەشە تورکیییەکەی قوبرس

17/11/2020

وبرس ئۆردۆگان  لە چونی بۆ بەشە تورکییەکەی قوبرس ڕووبەڕووی ناڕەزایی و خۆپیشاندان، دەبێتەوە

ئۆردۆگان بۆ یادکردنەوەی 37 ساڵەی دابرینی بەشە تورکییەکەی قوبرس  لە قوبرس، دوێنی، ڕۆژی یەکشەمە ، چوو بە ئەوێ. هەر لە چوونیا ڕووبەرووی ناڕەزاییەکی کارا بوەوە، کە زۆرێك لەوانە ئەوانە بوون کە کاتی خۆی دەنگیان بە سەرۆکە ڕاستڕەو و قەومییەکەی ئێستای بەشە تورکییەکەی  قوبرس، دابوو.

 لەبەر ئەوەی کە ئەو بەشە تورکییە بە تەنها لە لایەن خودی تورکیاوە ناسراوە بەبەردەوامی لە قەیرانێکی گەورەدا ژیاوە و  دەژی.  ئێستا تورکەکانی ئەو بەشە گەیشتونەتە ئەو قەناعەتەی کە ژیانی ئەوان بێ یەکگرتنەوەیان لەگەڵ قوبرسییەکاندا، زۆر گران و سەختە.

ئەردۆگان زۆر بە ئاشکرا دەستوەردەدا لە کاروباری ئەوێ، تەنانەتە لە پرۆسەی هەڵبژاردنی ئەم دوایەی ئەوێ بۆ ئەوەی ئەرسین تەتەر دەرچێت کە کەسێکی ڕاستڕەو و دۆستی ئۆردۆگان و ئاکەپەیە ، هەڕەشەیەکی زۆر لەو تورکانە کرا کە گەر دەنگ بە تەتەر نەدەن، ئەوە لەوێ دەردەکرێن و هەناردەی تورکیا دەکرێنەوە .

لە دروسشمی خۆپیشاندەران ” نا بۆ پیکنیك [ سەیران] بە سەر ئازارەکانمانەوە”  هاوکاتیش لە لایەن نقابییەکی زۆر ناسراوی چالاکەوە دژایەتی زیارەتەکەی ئۆردۆگان کرا وتی ” یا ئێستا  یاخود نا….. تورکە قوبرسییەکان مەحف دەبنەوە ئەگەر وڵاتەکەمان یەكنەگرێتەوە…..ئۆردۆگان تۆپێکی جێنەگیرە و دەتوانیت هەر شتێك بکات”  

ئامانجی ئۆردۆگان لەمەی کە دەیکات جگە لەوەی بۆ زیندووکردنەوەی گیانی قەومیی و هەڵدانەوەی پرسەکەیە بە جوڵاندنی حکومەتی قوبرسی و یۆنان و یو و ئێن ، هەروەها بۆ لکاندنی ئەو بەشەی قوبرسیشە بە تورکیاوە ، کە ئەمەش مەترسی هەموو لایەکە.  ئۆردۆگان کە ئەمە دەکات لەبەر بەرژەوەندی دانیشتوانە تورکەکانی قوبرس نییە بەڵکو لە بەر ئەوەی ئەو جەزیرەیە بە سامانە سروشتییەکان دەوڵەمەندە.

About author View all posts

Zaher Baher

Leave a Reply

Your email address will not be published. Required fields are marked *