پۆلیس و ئاسایشە خوێڕییەکانی ئەمانیش وەکو ئەوانەی لای خۆمان بۆ گیانی ڕەش و ڕووتەکانی خۆیان ئازان

پۆلیس و ئاسایشە خوێڕییەکانی ئەمانیش وەکو ئەوانەی لای خۆمان بۆ گیانی ڕەش و ڕووتەکانی خۆیان ئازان :

20/10/2020

ئەوە دوو هەفتەیە لە چەند دەڤەرێکی نایجیریا خۆپیشاندان و ناڕەزایی بەردەوامە و زۆربەشیان گەنجەکانن کە دژ بە دڕندەیی و بکوژیی پۆلیسن.  خۆپیشاندانەکان دوێنێ ، 20/10، 3 شەمە لە پایتەختی نایجیریا، ئەباجۆ و شاری لاگۆس گەیشتە خۆێنڕشتنی ئەو گەنجانەی کە تەنها و تەنها تاوانیان ناڵاندنە لەژێر ترس و لەرزی گروپە تیرۆریستەکان و بێ کاریی و نەبوونی مافی دەنگ هەڵبڕین لە نادادوەرییەکان و نەبوونی بژێوی و زەبروزەنی پۆلیسە .

 دوێنی بە گوێرەی سەرچاوەیەك 7 کەس بە گولە کوژراون و ژمارەیەکی زۆریش بریندارن.  سەرچاوەیەکی دیکە قوربانییەکانی بە 24 کەس خەمڵاندووە و بریندارانیش بە 50.

دەوڵەت بۆ ترساندنی خەڵکی تیمێکی پۆلیسی دروستکردووە بە ناوی Special Anti-Robbery Squad (Sars) police : تیمی تایبەتی پۆلیس دژ بە تاڵانی و ڕاووڕووت .  بەڵام خودی ئەم تیمە خۆی مەترسی گەورەی بۆ خەڵکانی شارەکە دروستکردووە ، نەك ڕەوانەوەی ترس .  گەرچی حکومەتی چەند دەڤەرێك کە خۆپیشاندانی لێیە، یاسای قەدەخەکردنی 24 کاژێر هاتووچۆی ڕاگەیاندووە، بەڵام هێشتا خەڵکی بەردەوامن لەسەر خۆپیشاندانەکانیان ، ئەمەش حکومەتی ناچار کرد بە حەلکردنی ئەو تیمە و کردنی هەندێك چاکسازیی .  بەڵام هەر زۆری نەخایاند کە تیمێکی دیکەی لە جێی ئەوان دروستکردووە بە ناوی : Special Weapons and Tactics (Swat) team   تیمیێك لە  چەکەمەنی و  تاکتیکە تایبەتییەکان .

خۆپیشاندەران بۆ ئەوەی کە بتوانن کە ئەوانەی دسگیردەکرێن بپارێزرێن و داوو دەرمانیشیان دەستبکەوێت دەستپێشکەری ئەوەیان کردوە کە لە ڕێگای ئۆنلاینەوە داوای کۆمەك و یارمەتییان کردووە بەمەش تا ئێستا 200 هەزار پاوەندیان کۆکردۆتەوە.

لە بەرانبەر ئەم خۆپیشاندەرانەدا خەڵکانێکی دیکە هەن کە دژن پێیان و هەڵگرانی چەقۆ و کێردی گەورە و کەرەسە کوژەرەکانی دیکەن و هێڕش دەکەنە سەر خۆپیشاندەران و برینداریان دەکەن و هاوکاتیش پۆلیس بە ئاگایە و چاوپۆشییان لێدەکات و هیچ شتێك بەرانبەریان ناکات.

ئەم پۆلیس و ئاسایشانەی نایجیریا هەر وەکو پۆلیس و ئاسیشە خوێڕێییەکانی خۆمانن کە بە خەڵکە ڕەش و ڕووت و برسییەکانی خۆیان دەوێرن و کەچی لە بەردەم هێڕشی بوکوحەرامی تیرۆریستا نەك هەر هچیان پێناکرێت بەڵکو بە ڕۆژی نیوەڕۆ ن بە سەدەهایان لێدەگرن دەیاندەنەبەر و دیلیان دەکەن.

About author View all posts

Zaher Baher

Leave a Reply

Your email address will not be published. Required fields are marked *