حکومەتی بریتانی پارساڵ بە ئاگاهێنراوەتەوە لە هاتنی شێوەی ڤایرۆسی کۆرۆنا

حکومەتی بریتانی پارساڵ بە ئاگاهێنراوەتەوە لە هاتنی شێوەی ڤایرۆسی کۆرۆنا

25/04/20:

بە گوێرەی ڕاپۆرتێکی ڕۆژنامەی گاردیانی ئەمڕۆ لە لایەن National Security Risk Assessment بە ڕاپۆرتێکی 600 لاپەڕەیی کابینەی حکومەتی لە پەتای ئەنفلۆنزە و شێوەیەك لە ڤایرۆسی کۆرۆنا ئاگەدار کردۆتەوە ، خاڵەکانی ڕێگریکردنیشی ئاماژەپێداوە و تەنانەت باسی مانەوی خەڵکی لە ماڵەکانیانا کردووە.

ڕاپۆرتەکە  بە درێژی لەسەر هەموو لایەنە زەرەرمەندەکانی ئەو نەخۆشییە وەستاوە، بەڵام بە هەر هۆکارێک بوبێت حکومەت هیچ بایاخێکی پێنەداوە.

لە خاڵە گرنگەکانی نێو ڕاپۆرتەکە، ئەمانەی خوارەوەن:

  • پەتاکە بە 3 شەپۆل دەێت کە هەر شەپۆلێکیشی بۆ 15 هەفتە دەخایەنێت و هەر شەپۆلێکیش لە هەفتەی 6 و 7 دا دەگات لوتکە واتە زۆر ترین قوربانیی دەخاتەوە.
  • لە سەدا 50 دانیشتوانی بریتانیا تووش دەبن و لەوەش زیاتر دەبێت.
  • سەرەنجام ئەم ڤایرۆسە کۆتایی بە ژیانی 65.600 کەس دەهێنێت.
  • 1،312،000 توشدەبێت و پێویستیان بە خەستەخانە دەبێت، لەمانەش 328،000 پیویستیان بە چاودێرییەکی خەست خۆڵ دەبێت.
  • لە سەدا 17 بۆ لە سەدا 20 شوێنەکانی سەرکار بەتاڵ دەبن ، واتا کرێکارانیان نایەنەوە بۆ سەر کار.
  • خەسارەی بریتانی دەچێتە 2.35 تریلۆن پاوەند.
  • تەنانەت لە کۆتایی پەتاکەدا چەند مانگێك یا چەند ساڵێکی دەوێت تاکو بەشی تەندروستی بگەڕێتەوە سەر حاڵەتی ئاسایی خۆی.
  • تورەەییەکی زۆر لە لایەن خەڵکەوە دروستدەبێت دەربارەی چونێتی مامەڵە و کاردانەوەی حکومەت بە نەخۆشییەکە.

تا ئێستا بەرپرسانی حکومەت هیچ ڕاگەیاندنێکیان یا دیمانەیەکیان سەبارەت بەم ڕاپۆرتە نەکردووە بەڵام ئەوەی ئاشکرایە حکومەت بەرپرسیارە لە مردنی هەر یەکێك لەو 20،000 کەسەی کە تا ئێستا مردوون و ئەم ماڵکاولییەی کە خەڵکی بەسەریدا هاتووە .

About author View all posts

Zaher Baher

2 CommentsLeave a comment

Leave a Reply to hack-vkSoisp Cancel Reply

Your email address will not be published. Required fields are marked *