نابەرپرسیارێتی لە قسەکردنا

نابەرپرسیارێتی لە قسەکردنا

17/04/20:

بەڕاستی نادروست ناڕەوایەتییە کە بە بێ بەڵگە قسە بکەیت و چەمکی سیاسەتمان بە ” زانستی سیاسەت” پێبناسێنێت ، من دڵم بەو خۆێندکارانەی زانکۆ دەسوتێت کە بە هەڵە شیکاری بارودۆخ و چەمکەکانیان بۆ دەکرێت.

من لێرەدا تەنها و بە تەنها ئاماژە بە 3 خاڵ دەدەم :

یەکەم: سیاسەت یانی درۆ و دەلەسە و ملشکاندنی بەرانبەر و مشەخۆریی و گەندەڵیی و وێرانکاری و هەژارکرنی بەشی هەرە زۆری کۆمەڵ و تیرۆر و کوشتن و بڕێن دەسەڵات ….. ئەگەر ئەمە بە ‘ زانست ‘ بو خۆێندکار و خەڵکانی دیکەمان لێکبدرێتەوە، هەی قوڕ بەسەر زانست و من خۆم هەر لێی بێ بەریی دەکەم نامەوێت هیچی لێبزانم .

هاوکات ئەوەش دەزانم کە بۆچی دەکرێت بە ‘ زانست ‘ چونکە گەر نەکرێت بە زانست بڕوانامەی قەبەی  لەسەر وەرناگیرێت ، بروانامەشی لەسەر وەرنەگیرا ئەو کاتە خەڵکی و قوتابی بۆ ناگەمژێنرێت، کە کراش بە زانست واتە ئیتر سیاسەت تایبەتمەند دەکرێت، لە ئیشی خەڵکانی عەوام و نەخوێنەواری وەکو من و ملیۆنەهای دیکە دەردەچیت و دەچێتە دەستی ” پسپۆڕەکانەوە”

لە ڕاستیدا ئەو برادەرەمان ” عەبدوڵا…”  [ببورن ناوی گوندە یا شوێنەکیەتی لەبیر چۆتەوە] کە لام وایە نەخوێنەوارە بۆ گاڵتەجاڕیی هەندێك جار پەیامنێرەکان لەناو بازاردا دیمانەی لە تەکدا دەکەن، سەد ئەوەندەی هەر هەموو سیاسییەکان باشتر و ڕاستتر قسە دەکات ، هەقە مامۆستا کامەران چێگاکەی خۆی بۆ بەڕێز عەبدوڵا چۆڵ بکات ، با ئەو وانەی سیاسەت بە خۆوێندکارەکانی بڵێتەوە.

دووەم: ئاخر مامۆستا کامەران بەڵگەت چییە گەر شەر بکرێت باشوور  دەچێتە سەر تورکیا؟!! پێمانناڵێیت لە کوێوە ئەم زانیاریانە دەهێنیت و ئەمە چۆن ڕوودەەدات ؟؟ کە لە کاتێکدا هێشتا کورردستان بەشێکە لە عێراق و هەندێك یاسا و ڕێسای نوێدەوڵەتیش، هەر هەیە .  مامۆستا کامەران وادەزانێت سەردەمی 1974 کە تورکیا هێڕشی کردە سەر قوبرس و توانی بەشە تورکییەکەی ببچڕێت.

سێیەم ؛ مامۆستا کامەران دەبێت بزانێت کە زۆر زۆر دوورە  شەڕ لە نێوانی پارتی و یەکێتی-دا ڕووبدات .  ئەو زەمانە ڕۆیشت.  ئەوەی کە ڕویداوە و ڕودەدات بە لابردنی سەرنج و قسەوباسی خەڵکییە لەسەر کێشە بنەڕەتیەکان کە لە پێش هەمویانەوە پرسی موچە و بژێوی خەڵکی و تەوقبوونیانە لە ماڵدا.  جگە لەمەش ئەو 2 فەزیحەیە کە لە هەردوو لایان ڕویداوە: تەسلیمکردنەوەی مستەفا سەلیمی لە لایەن یەکێتییەوە بە ئێران، دەرکەوت کە پێشـەرگەی ڕۆژ  لە لیبیا لە بەرەی شەردان کە ئەمان دروستکراوی  پارتی-ن .  ئەوەی کە ڕوود دەدات ئێستا  بۆ داپۆشینی کێشە سەرەکییەکانە و  غافڵکردنی هاووڵاتی کوردستانە .

من نامەوێت لەسەر شتەکانی دیکەی نێو دیمانەکەی مامۆستا کامەران بدێم ، لەبەر بێ وەختیم و هەروەها تاکو سەری خۆێنەریش زیاتر نەیەشێنم .

https://rojnews.news/كوردستان/کامەران-مەنتک-هەر-شەڕێک-لە-کوردستان-ڕووبدات-باشور-دەکەوێتە-سەر-تورکیا-49102

About author View all posts

Zaher Baher

Leave a Reply

Your email address will not be published. Required fields are marked *