جانێت بێڵ لە دیمانەکەی کە لەگەڵ بوکچین-دا کە لە ساڵی 1998 دا کردویەتی، ئەم پرسیارەی خوارەوەی سەبارەت بە ڕۆڵی کرێکاران لە بەرهەمهێنان لە کۆمەڵی شارەوانی ئازاد و لەتەك خودی شارەوانی ئازادا، کردووە . بابزانین وەڵامی بووکچین چی بووە

جانێت بێڵ لە دیمانەکەی کە لەگەڵ بوکچین-دا کە لە ساڵی 1998 دا کردویەتی،  ئەم پرسیارەی خوارەوەی سەبارەت بە ڕۆڵی کرێکاران لە بەرهەمهێنان لە کۆمەڵی شارەوانی ئازاد و لەتەك خودی شارەوانی ئازادا، کردووە .  بابزانین وەڵامی بووکچین چی بووە:

 وەرگێڕانی  زاهیر باهیر

پرسیار:     هه‌ندێك له‌ ئازادیخوازه‌ سۆشیالیسته‌کان ئه‌رگویمێنتی ئه‌وه‌ ده‌که‌ن که‌ تۆ زۆر به‌ خێرایی کۆنترۆڵی کرێکارانت ، له‌ به‌رنامه‌تا به‌ده‌رکرد.  قسه‌ و باسی ئه‌وان ئه‌وه‌یه‌ که‌ لای تۆ ” کرێکاران ”   به‌ده‌گمه‌ن چی تر  توێژاڵێك یاخود چینن.   زۆرینه‌یه‌ك له‌ خه‌ڵکانی پێگه‌یشتوی هه‌ردوو جێنده‌که‌ له‌ ئه‌مڕۆدا کرێکارن ، له‌و کاته‌وه‌ی که‌ توێژاڵه‌که‌ ئاوا گشتگیرە ، که‌واته‌ بۆچی شاره‌وانی ئازادیخوازان  ناتوانێت خۆی له‌گه‌ڵ کۆنترۆلی کرێکاراندا یه‌کبخات؟

 

وه‌ڵام :  به‌ڵێ، به‌شی زۆری خه‌ڵکی بۆ  به‌ ده‌ستهێنانی بژێوییان ده‌‌بێت کار بکه‌ن، پشکێکی زۆریشیان کرێکارانی به‌رهه‌مهێنه‌رن ، هه‌روه‌ها ژماره‌یه‌کی زۆریشیان به‌رهه‌مهێن نین.  ئه‌مانەی که‌ به‌رهه‌مهێنه‌ر نین  به‌ته‌واوی کار له‌گه‌ڵ بارودۆخه‌کان و له‌و‌ چوارچیوه‌یه‌دا، ده‌که‌ن که‌ سیسته‌می سه‌رمایه‌داری خولقاندویه‌تی ، وه‌کو ، تاووتوێکردن به‌ لیستی کڕین و فرۆشتنه‌کان، گرێبه‌سته‌کان، credit  slips ، کاروباره‌کانی ته‌ئمین و زۆرێك له‌مانه‌ .  ڕه‌نگه‌ نۆ له‌سه‌ر ده‌ی ( 10/09 ) “کرێکاران” له‌ کۆمه‌ڵێکی ژیرانەدا ، هیچ کارێکیان نه‌بێت ‌ که‌ بیکه‌ن، بۆ نموونه‌  که‌سێك داوای ته‌ئمینکردن ناکات یاخود هه‌ر شتێكی دیکه‌ له‌ چه‌شنی ‌ مامه‌ڵه‌ بازرگانییه‌کان لە ئارادا نامێنێت، تاکو کرێکار لەوێدا کار بکات.‌

له‌ کۆ‌مه‌ڵی شاره‌وانی ئازادیخوازانا  ئه‌نجوومه‌نه‌که‌ بڕیار له‌سه‌ر ته‌واوی کاروبار و یاسا و ڕێساکانی ئابووریی ده‌دات.  لێرەدا کرێکاران شوناسنامە پیشەییەکەیان و بەرژەوەندەییە تایبەتییەکەیان ، کاڵدەبێتەوە ، ئه‌وه‌نده‌ی که‌ گۆڕەپانە گشتییەکە  پێی باشه‌، ئەوان  خۆیان وه‌کو هاووڵاتییه‌ک له‌ کۆمۆنێتییەکەدا، ده‌بینن.   شاره‌وانییه‌که‌ له‌ ڕێگای ئه‌نجوومه‌نی هاووڵاتیانه‌وه‌ کۆنترۆڵ دەکرێت و  بڕیارە فراوانەکان  سه‌باره‌ت به‌ دووکانه‌کان ده‌دات،  کاروروباره‌کان ڕێکده‌خات هه‌موان ده‌بێت په‌یڕه‌وی بکه‌ن و هه‌میشه‌ کار له‌گه‌ڵ تێڕوانینه‌ مه‌ده‌نییه‌کان دەکرێت نەك بە تەنها  له‌گه‌ڵ  پیشه‌وه‌رییه‌کانا.

ئه‌وه‌ی که‌ خه‌ڵك ده‌یسه‌پێنێت و ده‌یه‌وێت که‌ کرێکاران مافی کۆنترۆڵکردنیان له‌ شاره‌وانی ئازاددا هه‌بێت ، ئه‌وه‌  ده‌گه‌یه‌نێت، ‌ کاتێك که‌ کۆمه‌ڵمان وه‌کو گشت  له‌ ڕێگای ئه‌نجوومه‌نە جەماوەرییەکەوە ، دیمۆکراتیانە کرد ‌ ، هاوکاتیش  ویستمان که‌ خودی  شوێنی سه‌رکاریش دیمۆکراتیانە بکەین، بەڵام بدرێته‌ ده‌ست کرێکاران بۆ کۆنترۆڵکردنیی، باشه‌ ئێستا ، ئه‌مه‌ یانی چی ؟   یانی ئه‌گه‌ر کرێکاران له‌سه‌ر پرۆژه‌کان، به‌ڕاستی له‌ هه‌وڵی ئه‌وه‌دا نه‌بن که‌ خۆیان پێش هه‌موو شتێك به‌ هاووڵاتیان بزانن له‌بری کرێکاران، ئه‌و کاته‌ ده‌رگا بۆ گریمانێکی به‌هێز ده‌که‌ینه‌وه‌ که‌ ئه‌ویش ئه‌وه‌یه‌ که‌ کرێکاران له‌ سه‌ر حسابی ئه‌نجوومه‌نه‌ جه‌ماوه‌رییه‌کان داخوازی ده‌سه‌ڵات  به‌سه‌ر شوێنه‌کانی سه‌ر کاردا، ده‌که‌ن.  ئه‌مه‌ش تا ڕاده‌یه‌ك سه‌ندنه‌وه‌ی ده‌سه‌ڵاته‌  له‌ ئه‌نجوومه‌نه‌ جه‌ماوه‌رییه‌که‌ و دەیدەیتە  ‌ ده‌ست شوێنی سه‌ر کار ، ئا له‌م حاڵه‌ته‌دا تۆ درزت خسته‌  نێوانی یه‌کێتی ئه‌نجوومه‌نە جەماوەرییەکەوە ، ئەم کارەش گریمانی ئه‌وه‌ زیاد ده‌که‌یت که‌ خودی شوێنی سه‌ر کار وه‌کو توخمێکی وێرانکار له‌ په‌یوه‌ندییا  له‌ ته‌ك ئه‌نجوومه‌نه‌ جه‌ماوه‌رییه‌کەدا، بێت ‌. ‌

لێمگه‌ڕێ با ئاسانتری بکه‌م:  زۆرترین ده‌سه‌ڵات که‌ شوێنی سه‌ر کار هه‌یه‌تی ، ئه‌نجوومه‌نه‌ جه‌ماوه‌رییه‌که‌ که‌مترین ده‌سه‌ڵاتی، هه‌یه‌، هەروەها کەمترین دەسەڵات کە شوێنی سەر کار هەیەتی ، ئەنجوومەنە جەماوەرییەکە زۆرترین دەسەڵاتی هەیە .  ئه‌گه‌ر کۆنترۆڵی کرێکاران له‌ پڕۆگرامه‌که‌مانا زیاتر تۆخ بکرێته‌وه‌ ، ئه‌و کاته‌ ئێمه‌ ده‌سه‌ڵات له‌ ئه‌نجوومه‌نه‌ جه‌ماوه‌رییه‌کانا، که‌مده‌که‌ینه‌وه‌  ، که‌واته‌ لێره‌دا ئێمه‌ گریمانی ئه‌وه‌ ده‌خه‌ینه‌ به‌رده‌م ، که‌ شوێنی سه‌ر کار له‌سه‌ر حسابی ئه‌نجوومه‌نی جەماوەریی ، ده‌سه‌ڵات به‌ده‌ستبهێنێت.

هه‌ر وه‌کو وتوومه‌ ، ته‌نها ده‌ستبه‌سه‌راگرتنی دووکانێك و به‌ڕیوه‌بردنی ئه‌و دووکانه‌ له‌ لایه‌ن کرێکارانه‌وه‌ ، مانای نه‌مانی ئه‌گه‌ری ڕوودانی ئه‌وه‌ی که‌ ئه‌وان گه‌شه‌ی پێده‌ده‌ن ،‌ –  یا لە ڕاستیدا  گه‌وره‌ی ده‌کەن –  بەرەو بەرژەوەندی تایبەتی ، ناڕەوێنێتەوە ،   هه‌میشه‌ هه‌ستێك سه‌باره‌ت به‌  ڕێکخستنی  به‌رژه‌وه‌ندی پرۆژه‌ی تایبه‌تی، لەوێدا  ده‌بێت.  کۆنترۆڵکردن له‌ لایه‌ن کرێکارانه‌وه‌ به‌ ئاسانی ده‌توانرێت ئه‌نجامی  به‌تایبه‌تیکردنیی یاخود   به‌ تایبه‌تنرخاندنی  کرێکارانمان بداته‌ ده‌ست [ جۆرێك له‌ پیرۆزییه‌ت- وه‌رگێڕ]،  ئیدی کاره‌کانیان هه‌رچی بێت.  له‌ سه‌رده‌می ئه‌نارکیسته‌ سندیکاله‌کانی به‌ر‌شه‌لۆنه‌ی ساڵی 1936 ،ئه‌و‌ کرێکارانه‌ی که‌ ده‌ستیان به‌سه‌ر شوێنه‌کانی کاردا گرتبوو ، با بڵێین کارگه‌ی چنین و ڕستن، زۆر وه‌خت خۆیان به‌ زیاتر یا خود به‌ ڕکه‌به‌رێك له‌ به‌رانبه‌ر هاوڕێکانی خۆیاندا له‌ هه‌مان به‌شی  پیشه‌سازیدا که‌ ده‌ستیان به‌سه‌ر ئه‌و هاوشێوه‌ دوکانه‌دا گرتبوو‌ ، ده‌زانی .  هه‌ر ئاوایه‌ ، ئه‌م کرێکارانه‌ زۆر کات ده‌بنه‌ سه‌رمایه‌داریی ده‌سته‌جه‌معی، هه‌ر وه‌کو Gaston Leval  له‌ نوسینی ، ده‌سته‌جه‌معیکردنی ئیسپانییه‌کان له‌ شاره‌کانا،  Spanish collectivization in the Cities* په‌نجه‌ی بۆ ڕاکێشاوه‌ که‌ کرێکاران  له‌ پێناوی ئه‌کسێس بۆ  مه‌تریاڵه‌ خاوه‌کان و بازاڕه‌کانا،  کێبڕکێی یه‌کدییان کردووه.   ئه‌مانه‌ هه‌مووی ڕویداوه‌ وێڕای ئه‌وه‌ی که‌ کرێکاران خۆیان به‌ ئه‌نارکیسته‌ سه‌ندیکالیسته‌کان ، زانیوه‌ و  له‌ژێر هه‌مان ئاڵای ڕه‌ش و سپیدا  له‌ هه‌مان به‌شی  پیشه‌سازیدا کاریان کردووه‌ و هه‌ر‌وه‌ها هه‌موویان سه‌ر به‌ هه‌مان‌ نقابه‌ی سه‌ندیکالیست بوون.  سه‌ره‌نجامیش نقابه‌ هات به‌شه‌کانی یپیشه‌سازی ڕێكخسته‌وه‌ و زه‌بتیکردنه‌وه‌ بۆ ئه‌وه‌ی ئه‌م پراکتیزه‌ ده‌سته‌جه‌معییه‌ سه‌رمایه‌دارییانه‌ ، بوه‌ستێنێت. که‌چی گاڵته‌جاڕیانه‌ بیرۆکراسیی CNT کۆنترۆڵی دووکانه‌کانی کرد و به‌وه‌شی کە کردی  له‌ جه‌وهه‌ردا کۆنترۆڵی کرێکارانی که‌مکرده‌وه‌  تاکو چه‌ند جۆڕێك له‌ شێوه‌ و ڕووکاری   هه‌ره‌وه‌زییانه‌ به‌رده‌وام بێت.

ئه‌گه‌ر مۆڵه‌ت به‌ دووکانه‌کان له‌ ڕێکخستنه‌وه‌ی پلانی کارروباره‌کانیانا بدرێت تاکو ‌ ڕۆڵیان له‌ هه‌لسووکه‌وتییانا هه‌بێت، لەسەر حسابی  بێ بایاخدان و به‌ته‌نگهاتنه‌وه‌یان بۆ کۆمۆنێتییەکەیان وەکو  گشت، ئا لەم بارەدا ‌ ئه‌م دووکانانه‌ ڕه‌نگه‌ زۆر به‌باشی دووی ئاراسته‌گه‌لێك بکه‌ون نه‌ك هه‌ر ته‌نها پێچه‌وانه ڕێگایه‌ك یاخود ئاراستەیە‌کی جیاواز له‌ ئه‌وانه‌ی دیکەی ‌ کۆمۆنێتییەکەدا، دەگرنەبەر  به‌ڵکو له‌ به‌یه‌کادانیشدا ده‌بن له‌گه‌ڵ کۆمۆنێتییەکەشدا. ‌ ‌

هیوادارم ڕۆژێك بێت که‌ زۆربه‌ی کاروبار و مامه‌ڵەکان  ماشێنایز بکرێن  به‌تایبه‌ت به‌ڕێکردنی کاره‌ هه‌ره‌ سه‌خت و وزه‌پڕوکێنه‌کان.  با ئه‌وه‌ش بڵێین ئه‌مه‌ش ‌ته‌واو مانای  ئایدیایه‌کی خه‌یاڵاویی، نییه چونکە  من باوه‌ڕم وایه‌ سەرەنجام  زۆرێك له‌ کاره‌کان له‌لایه‌ن ماشێنه‌کانه‌وه‌ ده‌کرێن ، ئه‌و کاته‌ش کێشه‌ی کۆنترۆڵکردن له‌ لایه‌ن کرێکارانه‌وه‌ له‌ هه‌قه‌تدا بێ مانا ده‌بێت و هه‌موو کێشه‌کان که‌مده‌بنه‌وه‌ تا ئه‌و‌ ڕاده‌یه‌ی که‌ گرنگی  و بایاخیان نامێنێت.  منیش له‌ گۆڕه‌پانێکی موعاره‌زه‌دا ڕاده‌وه‌ستم و ئالێره‌وه‌ وه‌کو ئه‌نارکیستێکی خود-شێوه‌یی (self-styled )  سه‌ره‌تایی،  وه‌ک چۆن مافیای عه‌قاره‌کانی پێنجه‌م   بانگه‌شه‌ی دژ به‌ پێشکه‌وتنی ته‌کنه‌لۆجیا له‌ هه‌موو هه‌ل و مه‌رجێکدا، ده‌که‌ن.‌

Hejen 07/07/2017

سڵاو ھاوڕێ، دەست خۆش و ھیوادارم بەم زووانە پەرتووکەکە تەواوببێت و ھەمووی بەسەریەکەوە بخوێنمەوە…. لێرەدا وەك خوێنەرێکی وەرگێرانەکەی تۆ سەرنجێك بە پێویست دەزانم…. بە گوێرەی ئەو دەقە، لە کۆمەڵی پێشنیارکراودا دابەشکردنی دەسەلات یان ھەبوونی دەسەڵات، لەسەر بنەمای شوێنە یان گروپەکانە نەك تاك، بۆ من ئەو دابەشکردنە نادروستە، چونکە بنەمای یەکسانی دەسەلات، تاکەکانن نەك گروپ و شوێنەکان … بێجگە لەوەش، ئەگەر من ھەر پێوانە بکەمە بنەما، دیسانەوە ھێشتا ھەر گرفتم ھەیە، ئەویش ئەوەیە، یەکەم کۆمەڵێك کە بڕیاربێت مرۆڤ تێیدا ئازادبێت، مەرجی ئەو ئازادبوونەوەی کۆمەڵایەتیبوونەوەی کار و گۆڕانی شوناسی کرێکارە، بە واتایەکی دیکە چیدیکە کرێکار/کرێگرتە نییە، بەڵکو بەشداری کاری کۆمەلایەتییە؛ ھەرەوەزیکار “کرێکار” لە شوێنی ژییانی ھاونشینگەیەکی ئاساییە وەك ئەوانی دیکە و ئەندامی ئەنجوومەنە گەلییەکەکە/جەماوەرییەکەیە، لە شوێنی کارەکەی ئەندامی کۆمیونیتییەکەیەتی و بۆ ئەو کۆمیونیتییە بەرھەمدەھێنێت، کەواتە کەسی ھەرەوەزیکار ھیچ کات لە شوێنەی کارەکەی بە دژ و پێچەوانەوەی شوێنی ژیانی بڕیارنادات، چونکە ئەو و بوونی ئەو لە ھەر دوو شوێنەکە ھەر یەکە و ئەو ناتوانێت لە سوێنی کارەکەی دژی خواست و داخوازی منداڵەکانی یان ھاوسەر و ھاوپۆل و ھاوسێکەی بڕێاربدات یان بەرھەمبنھێنێت…. لەبەرئەوە، بۆ من پرسیارە، بۆچی بوکچین تووش و گیرۆدەی ئاوا گێچەڵێك بووە، کە لە سروشتی ژیانی ھەرەوەزیکار لە شوێنی ژیانی و لە شوێنی کاری بوونی نییە. من بە پێچەوانەی ئەو دتینەوە، پێکھاتەی کۆمەڵ [مەبەست چین و توێژە نەدار و بێدەسەلاتەکانە] چ ئێستا وەك کۆمەڵی چینایەتی و چ دواتر وەک کۆمەڵی ھەرەوەز/سۆشیالیستی/ئەنارکی وەك تۆڕی جاڵجاڵۆکە دەبینم، کە بە ھەموو بارێکدا لێکھەڵپێکراوە و ھەمووان تەواوکەری یەکدین. … من ھەوڵدەدەم، بگەریمەوە سەر نامیلکەی بنەما ئابوورییەکانی کۆمەڵی پێشنیارکراوی بوکچین، کە ساڵی ٢٠٠٧ خوێندوومەتەوە، تاکو بزانم ئایا ھەمان گرفتی تێدا ھەیە؟

 

سەڵاو هاوڕێ ، دەستخۆش بۆ کۆمێنتەکەت .  هەڵبەتە هەموو کەس شیاوی رەخنەیە بە ‘بوکچینیشەوە’ ، بەتایبەت هەر شتێك دەنوسرێت و دەوترێت ڕەنگدانەوەی سەردەمی خۆیەتی و هەموانیش بە گوێرەی ئیدراك و مەعریفەی سەردەمی بوون و ژیانمان  دەرک بە داهاتوو  دەکەین کە زۆر جاریش ڕەنگە وا دەرنەچێت.  ئەمەی بوكجین لە ساڵی 1998 دا بووە واتە پێش دوو دەیە پێش ئێستا گەرچی من بۆچونەکەی بەڕاستدەزانم ئەویش لەبەر ئەوەی کە ئەم وەڵامە وەڵامی پرسیارە و سەبارەت بەدەسەڵاتی کرێکارانە نەك شرۆڤەیەکی وردی دوورو درێژ بۆ کۆمەڵی داهاتوو ، ئەو شرۆڤەیە لە تەواوی دیمانەکەیدا کە 45 لاپەڕەیە زیاتر کۆمەڵی شارەوانی ئازادیخوازان و ستراکتورەکەیت بۆ دەردەکەوێت.  ئەمە جگە لەوەی کە بوکچین زۆر واقیعیانە ، یەکجار واقیعیانە قسە دەکات و شتەکان دەبینێت و پەیوەستیشی دەکاتەوە بە ئەزموونەکانی رابوردووە .  هەڵبەتە ئەو هەموو کەسی بە کرێکار نەزانیوە و ناشزانێت هەر لەبەرئەوەشە کە لەگەڵ تیوری دەسەڵاتی کرێکارانەی مارکس-دا نایەتەوە.  ئەو لەو دیمانەیەدا لە زۆر مەسەلە زۆر واقیعیانە نەك بە تێڕواننی ئارەزووخوازانە یاخو پێشبینی ویستراو تەماشای هەر یەك لەو کێشانە دەکات تەنانەت قسە لەسەر دەستەبژێر و ، لیدەر و ڕۆڵی شەخس لەو دیمانەیەدا دەکات لەگەڵ بۆچوونی خۆی لەسەر هەرەوەزی و تەنانەت لەگەڵ برۆدۆندا لەوێدا نایەتەوە .  یەکجار جوان مەسەلەکان باسدەکات و بە بەڵگەوە  وردیان دەکاتەوە تاکو هەموان تێبگەن .

گەر بێمەوە سەر کۆمێنتەکەت دەڵێم: وەرگێڕانەکە زۆر تەواوەو وەکو هەموو جارێك هاوڕێی لەمەڕ خۆمان دەڵێت ” ئەگەر گرفت لە چاوی قرژاندا هەبێت لەو تەرجومەیەدا نییە ”  .  بوکچین  دەڵێت لە کۆمەڵی شارەوانی ئازادیخوازانا هێشتا منداڵ، کەمئەندام ، پیر و پەککەتە ، ئافرەتانی دووگیان ، کەسانێک کە هەر ناخوازن بەردێك بخەنە سەر بەردێك زۆر توێژاڵی تر دەمێتەوە کە ئەمانە بە گوێرەی پێویستی خۆیان وەر دەگرن و بەڵام بە هۆیەك لەو هۆیانەی سەرەوە ناتوانن بە گوێرەی توانای خۆیان کارێك لە کۆمەڵدا بە ئەنجام بگەیەنن.

لە کۆمەڵی ئێستادا خەڵکانێکیئ زۆر سەرقاڵی کارکردنن ئیتر تۆ ناویان دەنێت کرێکار ، کارگەر، فەرمانبەر هەرچی ،  وەکو لە شۆپەکانان ، لە مامەڵەی خانو بەکرێدان و کڕین و فرۆشتنا، فرۆشتنی تیکتا ، بیتاقە ،  ئاڵووێڵی پارە. لە بواری بیمەکانا ، لە بواری تەئمینی تەندروستی و تەئمینی ژیان وخانو ئەساس و زۆری تردا،  لە بواری کارەبا ،ئاودا، غازدا ، زێرابدا ، خانوودروسکردنا ، هەروەها خەڵکانێك کە بۆ خۆیان کاردەکەن….. زۆر زۆری تر .  هەر هەموو ئەمانە لە کۆمەڵی شارەوانی ئازادیخوازانا ، کۆمەڵی ناچینایەتی و ناهیراشی  هیچیان نامێنن .  تەنها کرێکارێك – بە بۆچونی من – کە دەمێننن ، کرێکارانی بەرهەمهێنەری سەر کارگەو کارخانەکانن، کرێکارانی ڕێگاو بانن.   تەنانەت کرێکارانی یا خود جوتیارانی سەر کشتیار نامێنن ، چونکە هەموی دەبێتە هەرەوەزی و خەڵکی بە جەماعی کاری تیادا دەکەن .

لەم بارەدا خەڵکی هەر هەموویان پێگەەی کۆمەڵایەتی و کارکردنیان هەرچی بن ، ئەندامی شارەوانین ، ماڵی گەلن ، ئەنجومەنی گەلن…… هەرچی ناو لێدەنێیت کە هیچ گرنگ نییە.  لەو حاڵەتەشدا کرێکارانی بەرهەم هێنەر هەر ئەندامی ئەنجومەنەکەن ، کە دێنە کۆبوونەوەکانی ئەنجوومەنەکان وەکو کرێکارێك ، کرێگرتەیەك نایەن بەڵکو وەکو وەکو ئەندامێكی کۆمۆنێتییەکە ، شارەوانییەکە ، ئەنجومەنەکە .  لەم حاڵەتەدا ئەوانیش هەمان دەنگ و هەمان هاوبەشییان دەبێت وەکو قوتابییەك ، پەکەکەوتەیەك ، لاژگێك ، پیرێك ، دووگیانێك …. سەبارەت بە سەرجەمی بڕیارەکانی کە لەوێدا دەدرێت.

بوکچین یەکجار دژی دەسەڵاتە و یەکجاریش دژی هیراشییە  [  هەر ئەوەشە کە ئەوی لە مارکسییەوە کردە ئەنارکیست و ڕۆشنایی زۆر زیاتری فلە بیترمەندەکانی پێش خۆی خستە سەر ئەو مەسەلەیە  لەگەڵ کێشەی ئیکۆلۆجیداس کە مارکس نەچووە بە دوای ئەم دوو کێشیەدا: هیراشی و ئیکۆلۆجی  ] ئالەوێدا جیاوازییەك نابێت لە نێوانی هیچ کەسێكدا ئەو دەزانێت کە بەرتەرەیی کەسانێك گرپێك توێژاڵێك لەسەر حسابیی کەسانی دیکەیە ، دەسەڵاتیان لەسەر حسابی کەسسانی دیکەیە و لەم شێوەیە.  بێ گومان ئەوانەی کە کار دەکەن لە شوێنی سەرکاردا تەواو ئازادن لە بڕیارەکان و بەڕیوەبردی کاروباری سەرکار و چونێتی مامەڵە لەتەك یەکدیدا.

لەسەرەتای کۆمێنتەکەت تێنەگەیشتم کە باس لە تاکو  گروپ دەکەیت ، ڕەبتێکم لە نێوانی  پۆستەکە و نوسینەکەی تۆوە نەدۆزییەوە ،  ببورە.    دەتوانین لە دانیشتنێكدا قسەی زیاتر لەسەر ئەم مەسەلانە بکەین گەرچی کەسمان ناتوانیین و ناشبێت پێشبینی وردەکارییەکانی کۆمەڵی داهاتوو بکەین.  هەر لە خۆشیدا بیت

 

About author View all posts

Zaher Baher

Leave a Reply

Your email address will not be published. Required fields are marked *