ئایا پێشکه‌وتنی ته‌کنه‌لۆجیا یه‌کێکه‌ له‌ زه‌مینه‌ سه‌ره‌کییه‌کانی دروستکردنی کۆمه‌ڵی ئه‌نارکیستی/سۆشیالیستی؟

ئایا پێشکه‌وتنی ته‌کنه‌لۆجیا یه‌کێکه‌ له‌ زه‌مینه‌ سه‌ره‌کییه‌کانی دروستکردنی کۆمه‌ڵی ئه‌نارکیستی/سۆشیالیستی؟

21/06/2016

لای چه‌پ و کۆمۆنیست و مارکسییه‌کان و هه‌ڵگرانی ئایدۆلۆجیا‌کان، پێشکه‌وتنی ته‌کنه‌لۆجیا به‌ مه‌رجی سه‌ره‌کی بنیاتنانی کۆمه‌ڵی سۆشییالیستی دانراوه‌ و داده‌نرێت. هه‌ر ئه‌م هۆکاره‌شه‌ ئه‌وان باوه‌ڕیان وایه‌ که‌ بنیاتی کۆمه‌ڵی سۆشیالیستی به‌دووی کۆمه‌ڵی سه‌رمایه‌داری پێشکه‌وتوودا دێت، ئه‌مه‌ش بۆ دوو هۆ: یه‌که‌م: له‌و قۆناغه‌دا ته‌کنه‌لۆجیای پێشکه‌وتوو دروستده‌کرێت و ئیدی گرفتی که‌می به‌رهه‌م له‌ به‌ینده‌چیت ، که‌ ئه‌مه‌ش له‌ خۆیدا مه‌ترسی ئه‌وان بووه‌ هه‌تا به‌ خودی مارکسیشه‌وه‌. که‌واته‌ ” هه‌رکه‌س به‌ پێی توانای خۆیی و هه‌رکه‌س به‌ پێی پێویستی خۆی” سه‌رده‌گرێت . دووهه‌میش: هه‌ر ئه‌و قۆناغه‌یه‌ که‌ کرێکارێکی زۆر دروستده‌بیت دروستده‌کات و له‌وێدا ئیستیقتابی چینایه‌تی ڕووده‌دات و زه‌مینه‌ی شؤڕش و ده‌ستبه‌سه‌رگرتنی ده‌سه‌ڵات له‌ لایه‌ن پڕۆلیاتاریاوه‌ ” دیکتاتۆرییه‌تی پڕۆلیتاریا” .
ئاساییه‌ که‌ ئه‌و گروپانه‌ی سه‌ره‌وه‌ ئاوا ژیان و مێژوی ڕابوردوو و ئێستا و داهاتووش ببینین. چونکه‌ که‌سانێک له‌ دووتوێی کتێبه‌ کۆنه‌کاندا به‌ دووی حه‌لدا بگه‌ڕێن ، که‌سانێك قسه‌ و په‌ڕه‌گرافه‌کانی 140 بۆ 160 ساڵ له‌مه‌وپێش به‌ زه‌مه‌نی هه‌نووکه‌ بگونجێنن و حه‌له‌که‌شی هه‌ر له‌وێدا بدۆزنه‌وه‌، که‌سانێك که‌ نه‌توانن جه‌ده‌لێک بکه‌ن ، نه‌توانن لاپه‌ڕه‌یه‌ك بنوسن بێ ئه‌وه‌ی په‌نا بۆ کتێب و قسه‌ی ئه‌م و ئه‌و به‌رن، بێ ئه‌وه‌ی سه‌‌رنجی واقیع بده‌ن، که‌سانێك که‌ ئاوا سوکایه‌تی به‌خۆیان بکه‌ن و به‌ خۆیان نه‌توانن شیکردنه‌وه‌یه‌ك ، خوێندنه‌یه‌کی زیندووانه‌ ، بکه‌ن بێ ئه‌وه‌ی په‌نا به‌رن بۆ ده‌می مره‌دووه‌کانی 100 ساڵ و 200 ساڵ و 1400 ساڵی پێش خۆیان ، ئه‌و‌ خوێندنه‌وه‌ و لێکدانه‌وه‌یان بۆ بکات … ئیدی وه‌کو وتراوه‌ هه‌ی خاش به‌سه‌رم ، له‌ دونیا بێ خه‌به‌رم .. ‌ ده‌بێت چی هیوایه‌کیان پێبکه‌ین و چۆن چاوه‌ڕوان بکه‌ین بگه‌ڕینه‌وه‌ سه‌ر زه‌مینه‌ی واقیع.
واقیع پێمان ده‌ڵێت هه‌رگیز پێشکه‌وتنی ته‌کنه‌لۆجیا نه‌بووه‌ته‌ و نابێته یه‌کێک له‌ ئامرازه‌ سه‌ره‌کییه‌کانی بنیاتنانی سه‌رکه‌وتنی سۆشیالیستی/ئه‌نارکیستی ، سه‌رهه‌ڵنه‌دانی ئه‌و کۆمه‌ڵه‌ ‌ هه‌ر له‌ دروستبوونی کۆمه‌ڵی چینایه‌تییه‌وه‌ تا ئێستاش به‌ند نه‌بووه‌ به‌ پێشکه‌وتنی ته‌کنه‌لۆجیاوه‌ . که‌مبوونی به‌رهه‌م که‌ ئێستا به‌هۆی ته‌کنه‌لۆجیاوه‌ زیادیکردووه‌، له‌ کۆندا نه‌بووه‌ته‌ هۆی قڕانی خه‌ڵکی له‌ برسا ، ئه‌وه‌ی که‌ بووه‌ته‌ قڕانی خه‌ڵکی جه‌نگ بووه‌ ، نه‌خۆشییه‌ کوشنده‌کان بووه‌ . ئه‌وه‌ ڕاسته‌ که‌ مرۆڤ داهاتی که‌مبووه‌ به‌ڵام به‌هۆی نه‌بوونی ته‌کنه‌لۆجیاوه‌ نه‌بوووه‌ به‌ڵکو به‌هۆی لێزه‌وتکردنییه‌وه‌ بووه‌ که‌ ئه‌ویش به‌ هۆی هه‌بوونی دونیای چیانه‌یتی و کۆمه‌ڵی هیراشی و پاوانه‌کردنی هه‌موو به‌ر‌هه‌م و سامانه‌ سروشتییه‌کان له‌‌ لایه‌ن که‌مینه‌یه‌که‌وه‌ . هاوکاتیش پێشکه‌وتنی ته‌کنه‌لۆجیا نه‌بووه‌ته‌ هۆی ئه‌وه‌ی که‌ خه‌ڵکێکی زۆر له‌ مردن و قڕکردن ڕزگار بکات ، بگره‌ دیوه‌که‌ی دیکه‌ی ڕه‌نگه‌ ڕاسستر بێت ، که‌ بووته‌ هۆی قڕانکردنی خه‌ڵکی ، هێنانی جه‌نگ، هێنانی فشار ی زۆر بۆ سه‌ر کرێکاران و کارمه‌ندان ، بۆ سه‌ر کار و شوێنی کار و ناو خێزان ، بوته‌ هۆی به‌تاڵه‌ و بێ داهاتیی . هۆکارێکی کاریگه‌ره‌ له‌ کوشتنی خه‌ڵکدا له‌ جه‌نگ-داو له‌ ئاشتیشدا. ته‌نها له‌ بواری ته‌ندروستیدا ته‌کنه‌لۆجیا ئه‌رکه‌ مرۆیانه‌که‌ی بینیوه‌ له‌ ڕزگارکردنی خه‌ڵکانێکی زۆر له‌ مردن.
ئایا ئه‌و جۆره‌ بیرکردنه‌وه‌ی سه‌ره‌وه‌ له‌گه‌ڵ کتێبدا زیاتر دێته‌وه‌ یاخود واقیع ؟ ئایا ئه‌و جۆره‌ بیرکردنه‌وانه‌ له‌ خزمه‌تی بورجوازی و سیسته‌می سه‌رمایه‌داری و مانه‌وه‌یدا نییه‌؟ ئایا ئه‌و جۆره‌ برکردنه‌وانه‌ بۆ گه‌وجاندن و خه‌ڵه‌فاندن و خه‌ساندنی خه‌ڵکانی چالاک و شۆڕشگێڕ نییه‌ ؟ ئای پاساودانه‌وه‌ی به‌ڕێکردنی سییا سه‌تی “گه‌شه‌ی ناسه‌رمایه‌داری” “حکومه‌تی دیمۆکراتی شه‌عبی” و “حکومه‌تی دیمۆکراتی وه‌ته‌نی” و “حکومه‌تی میللی” ” حکومه‌تی کرێکاری ” و ….هتد نییه‌ ؟ ئایا ‌ پاگه‌نده‌کردن بۆ ئه‌‌م جۆره‌ فکر و بۆچونانه ئه‌وه‌ ناگه‌یه‌نێت که‌ ئه‌و گروپانه‌ی سه‌ره‌وه‌ له‌ ڕاستڕه‌وه‌کان و له‌ خودی سه‌رمایه‌دار و ده‌سته‌بژێره‌کان خزمه‌تی زیاتری سه‌رمایه‌داری ده‌که‌ن ؟‌ ‌

 

About author View all posts

Zaher Baher

Leave a Reply

Your email address will not be published. Required fields are marked *